Western Digital şirkəti sərt disk (HDD) istehsalı üçün istehsal gücünün çatışmadığını açıqlayıb. Bu, dünyada ən böyük HDD istehsalçılarından biri olan şirkətə aiddir. Şirkətin məhsul portfelində istehlakçı seqmentinin payı cəmi 5 %-ə düşüb, çünki korporativ sektor və süni intellekt bazarı demək olar ki, bütün istehsal resurslarını istifadə edir.
Süni intellekt bumu artıq DRAM və NAND yaddaş çiplərinin ehtiyatlarını sürətlə tükəndirir. Bir neçə ay əvvəl bazar ekspertləri xəbərdarlıq edirdilər ki, bu proses ənənəvi sərt disklərə də təsir edəcək. Hazırda müşahidələr göstərir ki, HDD qiymətləri son 2 ilin ən yüksək səviyyəsinə qalxıb. Əsas tələbat isə ABŞ və Çin bazarlarından gəlir.
Şirkətin baş direktoru bildirib:
“Artıq qeyd etdiyimiz kimi, 2026-cı il üçün bütün istehsal ehtiyatlarımız demək olar ki, tam satılıb. Yeddi ən böyük müştərimizdən təsdiqlənmiş sifarişlərimiz var. Həmçinin onlardan ikisi ilə 2027-ci il, biri ilə isə 2028-ci il üçün uzunmüddətli müqavilələr imzalamışıq. Bu müqavilələr həm exabaytlarla ölçülən həcm, həm də qiymətləri əhatə edir.”
Şirkətin vitse-prezidenti əlavə edib ki:
-
Ümumi gəlirin 89 %-i bulud xidmətləri sektorundan
-
Cəmi 5 %-i isə istehlakçı məhsullarından əldə olunur
Səbəb isə süni intellektdir. Süni intellekt sistemlərinin öyrədilməsi üçün çox böyük həcmdə məlumat tələb olunur və bu məlumatların saxlanması üçün yaddaş lazımdır.
Bulud xidmət təminatçıları məlumatların saxlanması üçün əsasən HDD istifadə edir, çünki:
-
HDD daha ucuzdur
-
Böyük həcm üçün daha sərfəlidir
-
Uzunmüddətli saxlama üçün effektivdir
Məlumat mərkəzlərində saxlanılan məlumatların həcmi artıq exabaytlarla (milyonlarla terabayt) ölçülür. Bu məlumatlara daxildir:
-
internetdən toplanmış məlumatlar
-
backup (ehtiyat nüsxələr)
-
sistem logları
-
analiz edilmiş məlumatlar
-
süni intellekt təlim datasetləri
